Азаматтық қорғаныс күні 1931 жылы құрылған Халықаралық Азаматтық қорғаныс ұйымының (ХАҚҰ) шақыруымен атап өтіледі. Көптеген жылдар бойы ұйым әлемдік қоғамдастықтың халықты азаматтық қорғау, ТЖ кезінде көмек көрсету жүйелерін қалыптастыру, білікті кадрлар даярлау саласындағы күш-жігерін интеграциялау саласында мақсатты саясат жүргізіп келеді. Қазіргі уақытта Еуропа, Азия және Африканың 70-ке жуық елін біріктіреді.

 Қазақстан ХАҚҰ Жарғысына 1997 жылғы 31 қазанда қосылды, бұл мемлекеттің Төтенше жағдайларды жою жөніндегі жұмыстарды үйлестіру үшін құрылған халықаралық құрылымдарға кіруін қамтамасыз етті.

Бұл күн азаматтарды әртүрлі қауіптерден қорғауға тырысып, өз өмірлерін қатерге тігетін жанқияр адамдардың құрметіне ұйымдастырылды.

Азаматтық қорғаныс мамандарының міндеттеріне ТЖ кезінде халыққа көмек көрсету ғана емес, сондай-ақ олардың салдарын жою, оқиғалар кезіндегі мінез-құлық ережелері туралы халық арасында жұмыс жүргізу кіреді.

Азаматтық қорғаныстың маңызды аспектісі — халықты оқыту. Табиғи апат, техногендік апат немесе басқа төтенше жағдайлар кезінде қалай әрекет ету керектігін әрқайсымыз білуіміз керек. Оқу жаттығулары, семинарлар және ақпараттық науқандар адамдарға тәуекелдерді түсінуге және оларға дайындалуға көмектеседі. Бұл жай ғана білім жиынтығы емес, өмірді сақтап қалатын өмірлік дағдылар.

Жоғарыда аталған мәселелерді назарға ала отырып, ШҚО білім басқармасының «Örken» Шығыс Қазақстан өңірлік білім беруді ақпараттандыру және дамыту ғылыми-әдістемелік орталығы» КММ ШҚО ТЖД Азаматтық қорғаныс басқармасының бастығы подполковник
Д.О. Агажаевпен және М. Ғабдуллин атындағы Азаматтық Қорғау академиясының 4 курс курсанты А.К.Калымовпен бірлесіп облыс оқушыларына арналған вебинар өткізді, оның барысында осы тақырып бойынша бейнематериалдар ұсынылды.

ТЖД қызметкерлері оқушыларға өз кәсібінің барлық қырларымен, азаматтық қорғау құрылымымен таныстырды, қандай да бір төтенше жағдайда өзін қалай ұстау керектігін түсіндірді.