КГУ «Восточно-Казахстанский региональный научно-методический центр информатизации и развития образования «Örken»
Управления образования Восточно-Казахстанской области

«Алкоголь және жасөспірім: білу маңызды қауіп-қатерлер»

Поделитесь этим постом:

Шығыс Қазақстан облысында жас ұрпақтың салауатты өмір салтын қалыптастыру бойынша маңызды жұмыс жалғасуда. Кезекті профилактикалық іс-шараны «Өркен» ақпараттандыру және білімді дамыту облыстық ғылыми-әдістемелік орталығы» КММ ұйымдастырды. 9–11 сынып оқушылары үшін ашық сұхбат форматында өткен сабақ «Алкоголь және жасөспірім: білу маңызды қауіптер» тақырыбына арналды.

Кездесудің спикері — «Шығыс» профилактикалық медицина орталығы» медициналық мекемесінің СӨЖ маманы Джембаева Армангуль Максутовна. Іс-шара қазақ және орыс тілдерінде өткізіліп, облыс оқушыларының кең ауқымына ақпараттың қолжетімді болуын қамтамасыз етті.

Әңгіме барысында Армангуль Максутовна алкогольдің «қауіпсіз» мөлшері туралы кең тараған мифті жоққа шығарды. Спикер этанол организм үшін у екенін, тіпті бір реттік қолданудың өзі қайтымсыз салдарға әкелуі мүмкін екенін атап өтті. Жасөспірімдік шақта белсенді дамып келе жатқан миға спирттің зиянды әсеріне ерекше назар аударылды: бұл өзін-өзі бақылауды төмендетіп, ойланбайтын, кейде өмірге қауіпті әрекеттердің қаупін арттырады.

Генетикалық аспектілер мен статистика жеке қарастырылды. Ұлттық зерттеу деректері бойынша Қазақстанның 11–15 жас аралығындағы оқушыларының шамамен 3,5%-ы алкогольді қолданғанын хабарлаған. Маман организмнің токсиндерге сезімталдығына физиологиялық ерекшеліктердің қалай әсер ететінін және азиялық халық үшін қауіптердің неге ерекше жоғары екенін түсіндірді.

Сабақтың негізгі ұстанымы — жастарда сенімді бас тарту дағдыларын қалыптастыру болды. «»Жоқ» деп айта білу — әлсіздік емес, күш және өз өміріңізді бақылау», — деп қорытындылады спикер. Ол жасөспірімдерді денсаулықтарын сақтауға, шешім қабылдауға саналы түрде қарауға және өздері мен заң алдындағы жауапкершілікті есте ұстауға шақырды.